Ájiniyaz atındaǵı Nókis mámleketlik pedagogikalıq institutı málimleme-resurs orayı ilimiy-metodikalıq hám málimleme-maǵlıwmat beriw bóliminiń oqıw zalında Ózbekstan xalıq shayırı Zulfiya Israilovanıń tuwılǵanına 111 jıl tolıwı múnásibeti menen «Báhár menen kelgen báhár shayırı» atamasındaǵı ádebiy keshe bolıp ótti.

Keshege 2-sanlı studentler turaq jayında jasaytuǵın studentler hám biologiya tálim baǵdarınıń 1-kurs studentleri, oray xızmetkerleri, tyutorlar, pedagog-tárbiyashılar qatnastı.

Ilajda ózbek ádebiyatı kafedrasınıń docenti N.Allambergenova shayırdıń ómiri hám dóretiwshiligi haqqında bayanat jasadı.

Ádebiy keshe dawamında studentler shayırdıń qosıqların kórkem oqıp, saxnalıq kórinislerdi qatnasıwshılar názerine usındı.

Ilaj sońında belsene qatnasqan studentlerge húrmet jarlıqları hám sawǵalar tapsırıldı.