Ájiniyaz atındaǵı Nókis mámleketlik pedagogikalıq institutı Filologiya fakultetinde 8-mart – Xalıqaralıq hayal-qızlar kúni múnásibeti menen student-qızlar arasında «Miss Filologiya» tańlawı shólkemlestirildi.

Hayal-qızlardıń jámiyettegi ornı, olardıń ruwxıy dúnyası, dóretiwshilik potencialın ulıǵlaw, student-qızlardıń qábiletin júzege shıǵarıw hám olardı hár tárepleme qollap-quwatlaw maqsetinde ótkerilgen tańlawǵa fakultettiń túrli tálim baǵdarlarında oqıp atırǵan belsendi studentler qatnastı.

Tańlawda qatnasıwshılar tanıstırıw, háyyiw aytıw, milliy úrp-ádet hám dástúrlerdi sáwlelendirip beriw sıyaqlı shártler boyınsha ózleriniń ziyrekligi hám qábiletin kórsetiwge háreket etti.

Solay etip, tańlaw juwmaǵında jeńimpazlar hám sıylı orın iyeleri anıqlanıp, shólkemlestiriwshiler tárepinen diplom jáne estelik sawǵaları menen sıylıqlandı.