Ájiniyaz atındaǵı Nókis mámleketlik pedagogikalıq institutında 8-mart – Xalıqaralıq hayal-qızlar kúni múnásibeti menen institutta pidayılıq penen xızmet etip atırǵan hayal-qızlarǵa bayram sawǵaların tapsırıw ilajı bolıp ótti.

Ilajda institut rektorı wazıypasın waqıtsha atqarıwshısı, jaslar máseleleri hám ruwxıy-aǵartıwshılıq isleri boyınsha birinshi prorektor Quvondiq Qodirov jámiyetimizde, sonıń ishinde, institutta hár bir tarawda hayal-qızlardıń ornı ayrıqsha ekenligin atap ótip, olardı jaqınlasıp kiyatırǵan bayram menen qutlıqladı.

Rektordıń hayal-qızlar máseleleri boyınsha másláhátshisi Sayyora Bekchanova hám kásiplik awqamı komiteti baslıǵı Karamatdin Gúlimbetov sózge shıǵıp, institutta usı baǵdardaǵı bayram ilajlarınıń áhmiyetine toqtaldı.

Ilaj sheńberinde pidayı hayal-qızlar ushın kásiplik awqamı komiteti tárepinen tayarlanǵan bayram sawǵaları tapsırıldı.

NMPI baspasóz xızmeti.