Ájiniyaz atındaǵı Nókis mámleketlik pedagogikalıq institutında 8-mart – Xalıqaralıq hayal-qızlar kúni bayramı múnásibeti menen Jaslar awqamı baslanǵısh shólkemi hám Qaraqalpaqstan «Zakovat» klubı tárepinen student-qızlar arasında «Zakovat Quiz» intellektual oyını shólkemlestirildi.

Intellektual oyınǵa barlıq fakultetlerden hám magistratura bóliminen ulıwma 40 qa shamalas komandalar qatnastı.

Oyın student-qızlardıń bos waqtın mazmunlı ótkeriw menen birge, olardıń bilim dárejesi, logikalıq pikirlewi hám komandalıq birge islesiw kónlikpelerin kórsetiwge xızmet etiwi menen áhmiyetli boldı.

Qızıqlı sorawlar, qızǵın pikir-talaslar hám joqarı keypiyat penen dawam etken oyın juwmaǵında jeńimpazlar hám sıylı orın iyeleri anıqlanıp, institut Jaslar awqamı baslanǵısh shólkemi tárepinen diplom hám bayram sawǵaları menen sıylıqlandı.

NMPI baspasóz xızmeti.