Ájiniyaz atındaǵı Nókis mámleketlik pedagogikalıq institutında student-jaslar menen islesiw, olardıń pikir-usınısları hám mashqalaların úyreniw, bos waqtın mazmunlı shólkemlestiriw, sonday-aq, jınayatshılıq hám huqıqbuzarlıqlardıń aldın alıw máselelerine arnalǵan jıynalıs bolıp ótti.

Jıynalısta institut rektorı wazıypasın waqıtsha atqarıwshısı, jaslar máseleleri hám ruwxıy-aǵartıwshılıq isleri boyınsha birinshi prorektor Quvondiq Qodirov kún tártibindegi másele, sonday-aq, juwapkerlerge berilgen wazıypalardıń orınlanıw barısı boyınsha maǵlıwmat berdi.

Ilajda fakultet dekanlarınıń orınbasarları, tiyisli bólimlerdiń basshıları, juwapkerler hám tyutorlarǵa jaslar menen islesiwdiń jańa baǵdarları boyınsha jumıslardıń nátiyjeliligin arttırıw maqsetinde tiyisli tapsırmalar berildi.

NMPI baspasóz xızmeti.