Ájiniyaz atındaǵı Nókis mámleketlik pedagogikalıq institutında student-jaslarǵa innovaciyalıq ideyalar hám startap joybarlar haqqında tolıq maǵlıwmat beriw, olardıń sonday-aq, ámeliy kónlikpelerin bekkemlew maqsetinde «Ideyadan startapqa shekem» atamasındaǵı seminar bolıp ótti.

Instituttıń Hayal-qızlar másláhát keńesi janındaǵı «Qızlarjan» klubı hám Nókis jaslar texnoparki menen birgelikte shólkemlestirilgen seminarǵa innovaciyalıq hám startap joybarlarǵa qızıǵıwshı studentler qatnastı.

Seminar dawamında qatnasıwshılarǵa jaslardıń ilimiy hám innovaciyalıq jumısların qollap-quwatlawǵa baǵdarlanǵan «Keleshek injenerleri», «Innovaciyalıq ideyalar jetekshisi» hám «Bolajaq alım» tańlawları haqqında tolıq maǵlıwmatlar berildi.

Bul ilaj student-jaslardıń innovaciyalıq pikirlewin rawajlandırıw, olardıń ilimiy-texnikalıq potencialın arttırıw, sonday-aq, perspektivalı ideyalardı ámeliy joybarlar jáne startaplarǵa aylandırıwda ayrıqsha áhmiyetke iye boldı.