Ájiniyaz atındaǵı Nókis mámleketlik pedagogikalıq institutı Mektepke shekemgi hám baslawısh tálim fakultetinde «Piyshembi – jaslar kúni» múnásibeti menen «Dekan hám jaslar» ushırasıwı shólkemlestirildi.

Ushırasıwda fakultet dekanı Muhabbat Allambergenova Prezidentimizdiń jaslar menen ótkerilgen ushırasıwında belgilep berilgen wazıypalardan kelip shıǵıp, hár hápteniń piyshembi kúni «Jaslar kúni» sıpatında belgilenetuǵınlıǵı, usı tiykarda ámelge asırılıp atırǵan jumıslar haqqında aytıp ótti.

Sonday-aq, ushırasıw dawamında elimizde, sonıń ishinde, institutta jaslarǵa jaratılıp atırǵan imkaniyatlar, bilimlendiriwdegi reformalar hám studentlerdiń belsendiligin arttırıw máseleleri dodalandı.

Ushırasıwda studentler óz pikir hám usınısların bildirip, qızıqtırǵan sorawlarına juwap aldı.

Bul ushırasıw jaslar hám olardıń baslamaların qollap-quwatlaw, jaslar siyasatına baylanıslı túsiniklerdi jáne de bekkemlewge xızmet etti.

NMPI baspasóz xızmeti.