Ájiniyaz atındaǵı Nókis mámleketlik pedagogikalıq institutı Tábiyiy pánler fakultetinde «Piyshembi – jaslar kúni» múnásibeti menen student-jaslardıń huqıqıy bilimlerin bekkemlew, olardıń huqıqıy mádeniyatın arttırıw maqsetinde ushırasıw shólkemlestirildi.

Ushırasıwda instituttıń yurist-másláhátshisi Baxıtgúl Arzieva studentlerge ámeldegi nızamshılıq, jaslardıń huqıq hám minnetlemeleri, huqıqbuzarlıqlardıń aldın alıw hám hár qıylı huqıqıy máselelerde durıs jol tutıw haqqında tolıq maǵlıwmatlar berdi.

Sonday-aq, kúndelikli turmısta ushırasatuǵın huqıqıy mashqalalar, miynet qatnasıqları, shártnamalar dúziw, internet tarmaǵında huqıqıy juwapkershilik sıyaqlı máseleler boyınsha túsinikler berildi.

NMPI baspasóz xızmeti.