Ájiniyaz atındaǵı Nókis mámleketlik pedagogikalıq institutında «Piyshembi – jaslar kúni» múnásibeti menen barlıq fakultetlerde ushırasıwlar, tańlawlar hám sport jarısları shólkemlestirildi.

➖Filologiya fakulteti student-jaslar arasında «Jaslar – náshebentlikke qarsı!» atamasında «Eń jaqsı súwretler» tańlawı ótkerildi. Qábiletli studentler xoshametlendi.

➖Pedagogika-psixologiya hám dóretiwshilik tálim fakulteti dekanatı wákilleri hám tyutorlar 3-sanlı studentler turaq jayında jaslar menen sáwbetlesiw ótkerip, olardıń mashqalaların úyrendi, pikir-usınısların tıńladı.

➖Sırtqı bilimlendiriw bólimi studentleri arasında shaxmat hám shashka boyınsha jarıs shólkemlestirildi. Jeńimpazlar hám sıylı orın iyeleri xoshametlendi.

➖Mektepke shekemgi hám baslawısh tálim fakultetinde pitkeriwshi kurs studentleriniń bántligin támiyinlew hám kásiplik bilimlerin jetilistiriw maqsetinde «ABA terapiya, neyropsixologiya» atamasında ilimiy-ámeliy seminar ótkerildi.

➖Filologiya fakultetinde tyutor D.Yuldasheva basshılıǵında «Hayal – mehir hám mártlik tımsalı» atamasındaǵı poeziya keshesi shólkemlestirildi.