Ájiniyaz atındaǵı Nókis mámleketlik pedagogikalıq institutı Mektepke shekemgi hám baslawısh tálim fakultetinde 8-mart – Xalıqaralıq hayal-qızlar kúnine arnalǵan «Sen báribir muqadesseń, muqaddes hayal!» atamasında bayram keshesi shólkemlestirildi.

Keshege fakultet tyutorları, student-jaslar hám tazalıq biykeleri mirát etildi.

Ilajda fakultet dekanınıń hayal-qızlar máseleleri boyınsha másláhátshisi Sulıwxan Palwaniyazova qatnasıwshılardı bayram menen qutlıqlap, instituttıń átirapı hám oqıw auditoriyaları, xızmet bólmeleriniń tazalıǵın támiyinlewde tazalıq biykeleriniń ornı ayrıqsha ekenligin atap ótti.

Jankúyerlik penen xızmet etip atırǵan pidayı taraw wákillerine fakultet jámááti tárepinen tayarlanǵan bayram sawǵaları tapsırıldı.