Ájiniyaz atındaǵı Nókis mámleketlik pedagogikalıq institutında 8-mart – Xalıqaralıq hayal-qızlar kúni múnásibeti menen bayram ilajları, ushırasıw kesheleri hám basqa da bir qatar ilajlar shólkemlestirilmekte.

➖Filologiya fakulteti tyutorı N.Nurjanova basshılıǵında kórkem dóretiwshilikke hám kitapqumarlıqqa qızıǵıwshı student-jaslardan ibarat «Mushayra» klubı aǵzaları tárepinen I.V.Savickiy atındaǵı Qaraqalpaq mámleketlik kórkem óner muzeyinde jas shayır Saxibjamal Sırǵabaeva menen ushırasıw shólkemlestirildi.

➖Mektepke shekemgi hám baslawısh tálim fakulteti «Ilimpaz qızlar» dógereginde mektepke shekemgi tálim kafedrasınıń baslıǵı, pedagogika ilimleriniń doktorı, professor Gúlnara Jumasheva hám Ájiniyaz stipendiyasınıń jeńimpazı Shohida Hayitimbetova menen belsendi student-qızlardıń ushırasıwı bolıp ótti.

➖Filologiya fakultetinde «Ilimli hayal – jámiyet tiregi» atamasındaǵı ushırasıw ótkerilip, oǵan instituttıń qaraqalpaq ádebiyatı kafedrasınıń professorı Mariya Bekbergenova, qaraqalpaq tili kafedrasınıń professorı Alima Pirniyazova, inglis tili hám ádebiyatı kafedrasınıń baslıǵı, docent Dina Mamırbaeva, rus tili hám ádebiyatı kafedrasınıń docenti Elmira Eshniyazova qatnastı.