Ózbekstan Respublikası Prezidentiniń «Hayal-qızlar hám balalar huqıqlarınıń qorǵalıwın kúsheytiw jáne olarǵa qarata basım hám zorlıq jaǵdaylarınıń aldın alıw boyınsha qosımsha shólkemlestiriw-huqıqıy ilajlar haqqında»ǵı pármanı (PF-33-sanlı, 03.03.2026-j.) qabıl etildi.

Oǵan bola, 2026-2027-oqıw jılınan baslap hámiledar student-qızlar hám 3 jasqa tolmaǵan perzent tárbiyası menen shuǵıllanatuǵın studentler ushın joqarı bilim alıwda qosımsha imkaniyatlar jaratıladı.

2026-2027-oqıw jılınan baslap:

– kurstan kursqa qalǵan yamasa studentler qatarınan shıǵarılǵan adamlarǵa, aldınǵısınan ózgeshe tárizde, pánler parqın qayta ózlestiriw shárti menen oqıwdı dawam ettiriw imkaniyatı jaratıladı;
– pánler parqın ózbetinshe ózlestiriw ushın qosımsha múddet beriledi hám zárúrli shólkemlestiriw jáne akademiyalıq sharayatlar támiyinlenedi.

Sonday-aq, Joqarı bilimlendiriw, ilim hám innovaciyalar ministrligi úsh ay múddette Ministrler Kabinetine tómendegi usınıslardı kirgizedi:

– hámiledar student-qızlar yamasa 3 jasqa tolmaǵan perzent tárbiyası menen shuǵıllanatuǵın studentlerge akademiyalıq tánepis dáwirinde, olardıń qálewine bola, aralıqtan oqıtıw formasında oqıwdı dawam ettiriw imkaniyatın jaratıw;
– aralıqtan oqıtıw baǵdarları hám qabıllaw kórsetkishlerin keńeytiw arqalı usı kategoriyadaǵı studentler ushın qosımsha qolaylıq jaratıw;
– akademiyalıq tánepiske shıqqan, kurstan kursqa qalǵan yamasa studentler qatarınan shıǵarılǵan hámiledar student-qızlar jáne jas analar boyınsha ayrıqsha statistikalıq maǵlıwmatlardı júrgiziw.

NMPI baspasóz xızmeti.