Usı jıldıń 13-14-mart kúnleri pútkil elimiz boylap «Jurt abatlıǵı, eń dáslep, máhálleden baslanadı» degen iygilikli ideya tiykarında ulıwma xalıqlıq qayırqomlıq shembiligi ótkerilgen edi.

Ájiniyaz atındaǵı Nókis mámleketlik pedagogikalıq institutı jámááti hám student-jaslarınan ibarat 7 mıńǵa shamalas qatnasıwshılar shembilik sheńberinde shólkemlestirilgen «Taza qala» ekologiyalıq akciyasına belsene qatnasıp, paytaxtımız Nókis qalasınıń birneshe mákan puqaralar jıyınları aymaǵında abadanlastırıw, shıǵındılardan tazalaw jumısların alıp bardı. Sonıń menen birge, qayırqomlıq ilajların shólkemlestirdi.

Ekologiyalıq akciya juwmaǵı boyınsha ótkerilgen gala-koncertte Nókis qalasınıń hákimi Abatbay Daniyarov ilajda ayrıqsha belsendilik kórsetken institut jámááti hám student-jaslarına minnetdarshılıq xatın jáne estelik sawǵaların tapsırdı.

NMPI baspasóz xızmeti.