Ájiniyaz atındaǵı Nókis mámleketlik pedagogikalıq institutında Hayal-qızlar másláhát keńesi baslaması menen «Biz – zorlıq hám basım ótkeriwge qarsımız» atamasındaǵı ushırasıw shólkemlestirildi.

Ushırasıwda Qaraqalpaqstan Respublikası Hayal-qızlardı reabilitaciyalaw hám beyimlestiriw orayınıń yurist konsultantı E.Embergenova jáne institut rektorınıń hayal-qızlar máseleleri boyınsha másláhátshisi S.Bekchanova tárepinen student-qızlarǵa hayal-qızlar arasında ushırasatuǵın zorlıqtıń túrleri, onıń sociallıq aqıbetleri, sonday-aq, bunday jaǵdaylardıń aldın alıw boyınsha ámelge asırılıp atırǵan mámleketlik siyasat hám kompleksli ilajlar haqqında tolıq maǵlıwmatlar berildi.

Qánige tárepinen huqıqıy mádeniyattı arttırıw, shańaraqlıq qatnasıqlarda salamat ortalıqtı qáliplestiriw, kelispewshilikli jaǵdaylardı tınısh jol menen sheshiw boyınsha usınıslar bildirildi.

Ilaj dawamında student-qızlar ózlerin qızıqtırǵan sorawlarǵa juwaplar aldı.

NMPI baspasóz xızmeti.