Ájiniyaz atındaǵı Nókis mámleketlik pedagogikalıq institutında «Zakovat» intellektual oyını boyınsha «Rektor kubogi» turniriniń birinshi tur oyını bolıp ótti.

Student-jaslardıń bos waqıtların mazmunlı ótkeriw, joqarı mánawiyatlı, erkin pikirleytuǵın jaslardı tárbiyalaw, olardıń intellektual oylaw qábiletin jetilistiriw hám qollap-quwatlaw maqsetinde shólkemlestirilgen turnirge barlıq fakultetlerden, sonday-aq, magistratura bóliminen 30 dan aslam komandalar qatnaspaqta.

Esletip ótemiz, turnir usı jıldıń mart, aprel hám may ayları dawamında ótkeriletuǵın ulıwma 5 turdan ibarat boladı. Hár bir tur eki hápteden bir márte, hápteniń juma kúni saat 16:00 de instituttıń Tábiyiy pánler fakulteti úlken májilisler zalında ótkeriledi.

NMPI baspasóz xızmeti.