Ájiniyaz atındaǵı Nókis mámleketlik pedagogikalıq institutı 1-sanlı studentler turaq jayında jasaytuǵın jaslar arasında «Piyshembi – jaslar kúni» múnásibeti menen milliy taǵamlarımızdı úgit-násiyatlaw, olardıń bos waqtın mazmunlı ótkeriw hám aspazlıq sheberligin bahalaw maqsetinde báhár taǵamı – kók somsa tayarlaw boyınsha tańlaw shólkemlestirildi.

Tańlawda qatnasıwshılar respublikamızdıń túrli rayonları hám wálayatlarında hár qıylı receptler tiykarında tayarlanatuǵın kók somsanı ózine tán usılda tayarlawǵa háreket etti. Olar taǵamnıń tek ǵana mazası emes, onıń kórinisi, bezeliwi hám tanıstırılıwına da dıqqat qarattı.

Tóreshiler quramı tárepinen qatnasıwshılardıń tayarlaǵan taǵamları bahalanıp, eń mazalı hám shıraylı etip tayarlanǵan somsa iyeleri xoshametlendi.

Bunday tańlawlar studentler arasında doslıq ortalıǵın bekkemlew menen birge, milliy qádiriyatlarımızdı keleshek áwladlarǵa jetkeriwde de áhmiyetli esaplanadı.

NMPI baspasóz xızmeti.