Ájiniyaz atındaǵı Nókis mámleketlik pedagogikalıq institutı Hayal-qızlar másláhát keńesi hám Mektepke shekemgi hám baslawısh tálim fakulteti dekanınıń hayal-qızlar máseleleri boyınsha másláhátshisi Sulıwxan Palwaniyazova baslaması menen «Piyshembi – jaslar kúni» ilajları sheńberinde «Deputat hám jaslar» ushırasıwı shólkemlestirildi.

Ilajǵa Qaraqalpaqstan Respublikası Joqarǵı Keńesiniń deputatı Olga Niyazova, rektordıń hayal-qızlar máseleleri boyınsha másláhátshisi Sayyora Bekchanova, belsendi student-qızlar qatnastı.

Ushırasıwda hayal-qızlar hám balalar huqıqların qorǵaw, olar arasında hár qanday basım hám zorlıq jaǵdaylarınıń aldın alıw máseleleri haqqında sóz boldı.

Ilaj dawamında deputat tárepinen elimizde hayal-qızlar hám balalar huqıqların támiyinlew baǵdarında ámelge asırılıp atırǵan reformalar, qabıl etilip atırǵan nızamlar hám olardıń ámeliy áhmiyeti haqqında tolıq maǵlıwmat berildi. Sonday-aq, shańaraqta salamat ortalıqtı qáliplestiriw, zorlıq jaǵdaylarınıń aldın alıw, huqıqıy sawatlılıqtı arttırıw máseleleri boyınsha pikir almasıldı.

NMPI baspasóz xızmeti.