Húkimettiń «Sırt el joqarı bilimlendiriw shólkemlerinde oqıw niyetindegi jaslar hám pedagog xızmetkerlerge tálim kreditin ajıratıw tártibi haqqında»ǵı qararı qabıl etildi.

Bul qarar tiykarında tastıyıqlanǵan reje Tálim kreditin qarjılandırıw qorı esabınan jeńillikli tálim kreditin ajıratıw hám onı qaytarıw tártibin belgileydi.

Rejege bola, tálim krediti tómendegi talaplarǵa juwap beretuǵın jaslar (30 jastan ótpegen, sonıń ishinde, 30 jasta bolǵan) hám pedagoglarǵa ajıratıladı:

➖QS (Quacquarelli Symonds) yamasa THE (The Times Higher Education) reytingleri boyınsha «TOP–300»likke kirgen sırt el joqarı bilimlendiriw shólkemlerine oqıwǵa qabıllanǵan bolıwı;
➖Ózbekstan Respublikasınıń puqarası bolıwı.

Tálim krediti bakalavriat hám magistratura basqıshlarında oqıw ushın ajıratıladı.

Kredit muǵdarı 1 oqıw jılı ushın 20 mıń AQSh dollarına shekemgi ekvivalentte milliy valyutada ajıratıladı.

Kredittiń tiykarǵı qarızı studenttiń rásmiy oqıw múddeti juwmaqlanǵannan soń 7-aydan baslap 7 jıl dawamında qaytarıladı.

Kredit alıw ushın bankke tómendegi hújjetler usınıladı:

➖arza;
➖shaxstı tastıyıqlawshı hújjet nusqası;
➖mirátnama-xat (1-kurs studentleri ushın);
➖akademiyalıq ózlestiriw nátiyjeleri (2-kurstan baslap);
➖tólemli kontrakt shártnaması hám joqarı bilimlendiriw shólkeminiń bank rekvizitleri kórsetilgen invoys;
➖birgelikte qarız alıwshılardıń sońǵı 12 aylıq dáramatları haqqındaǵı maǵlıwmat;
➖miynet dáptershesinen kóshirme (30 jastan ótken pedagoglar ushın).

Tálim kreditiniń stavkası Oraylıq banktiń tiykarǵı stavkası muǵdarında belgilenedi.

NMPI baspasóz xızmeti.