Ájiniyaz atındaǵı Nókis mámleketlik pedagogikalıq institutı 3-sanlı studentler turaq jayında jasaytuǵın student-qızlardıń bos waqtın mazmunlı ótkeriw, olar arasında sporttı úgit-násiyatlaw maqsetinde shaxmat hám shashka boyınsha jarıs ótkerildi.

Sonday-aq, Filologiya fakulteti «Sheber qollar» dógeregi aǵzaları qatnasıwında dizayner Mehriban Aytniyazova basshılıǵında qaraqalpaq milliy kiyimleri hám naǵısları boyınsha sheberlik sabaǵı shólkemlestirildi. Ilaj dawamında dógerek basshıları D.Yuldasheva hám A.Kazieva materialdı pishiw, qıyıw, mashina járdeminde tigiw usılların úyretti.

1-sanlı studentler turaq jayında «Qızlar tárbiyası – jámiyet aynası» atamasında ótkerilgen ushırasıwda rektordıń hayal-qızlar máseleleri boyınsha másláhátshisi S.Bekchanova hám pedagog-tárbiyashı M.Abdimuratova tárepinen student-qızlarǵa milliy úrp-ádetler, sonıń ishinde, milliy quraqlar haqqında túsinikler berildi. Jaslardıń qol óneri úlgileri kózden ótkerildi.