Usı jıldıń 26-mart kúni saat 11:00 de Ájiniyaz atındaǵı Nókis mámleketlik pedagogikalıq institutında ulıstıń ullı kúni, jańalanıw hám jasarıw áyyamı – Nawrız bayramı múnásibeti menen «Nawrızdı ulıǵlaw – insandı ulıǵlaw!» atamasındaǵı bayram seyilleri hám teatrlastırılǵan muzıkalı-xoreografiyalıq koncert baǵdarlaması bolıp ótedi.

Bayram seyilleri sheńberinde 25-mart kúni saat 17:00 de instituttıń 1-sanlı studentler turaq jayı aldında úlken qazanlarda Nawrız taǵamı – súmelek pisirilip, milliy taǵamlar kórgizbeleri shólkemlestiriledi.

Sonday-aq, 25-mart kúni saat 15:00 de instituttıń sport maydanshasında palwanlar gúresi, arqan tartısıw, qol gúresi, tas kóteriw, lángi tebiw sıyaqlı milliy sport oyınları boyınsha jarıslar ótkeriliwi jobalastırılǵan.

Bársheńizdi bayram seyiline mirát etemiz!

NMPI baspasóz xızmeti.