Ájiniyaz atındaǵı Nókis mámleketlik pedagogikalıq institutında Nawrız ulıwma xalıqlıq bayramı múnásibeti menen ótkerilip atırǵan «Nawrızdı ulıǵlaw – insandı ulıǵlaw!» atamasındaǵı bayram seyilleri sheńberinde «Súmelek seyili» shólkemlestirildi.

Ilajda institut rektoratı wákilleri, jasıúlken professor-oqıtıwshılar, Hayal-qızlar másláhát keńesiniń aǵzaları hám student-jaslar 1-sanlı studentler turaq jayı aldında Nawrız taǵamı – súmelek tayarlawǵa qatnasıp, ulıstıń ullı kúninde jaqsı niyetler tiledi.

Bayram seyili instituttıń talantlı student-jasları atqarıwındaǵı kórkem-ádebiy shıǵıwlar, bayramǵa say yoshlı qosıqlar, ayaq-oyınlar, milliy úrp-ádetler hám dástúrlerimiz sáwlelengen saxnalıq kórinisler menen dawam etti.

NMPI baspasóz xızmeti.