Ájiniyaz atındaǵı Nókis mámleketlik pedagogikalıq institutı Ellikqala fakultetinde «Piyshembi – jaslar kúni» múnásibeti menen tiyisli tarawlardıń juwapker basshıları menen ushırasıw shólkemlestirildi.

Ushırasıwǵa rayonlıq Qorǵanıw isleri bóliminiń baslıǵı, podpolkovnik B.Jamalov, Ishki isler bóliminiń baslıǵı, podpolkovnik B.Shaxanov, Ayrıqsha jaǵdaylar bóliminiń baslıǵı, podpolkovnik B.Bekturdiev, Salıq bóliminiń baslıǵı N.Abaev, fakultet dekanınıń orınbasarı D.Qurbonova, tyutorlar, jaslar jetekshisi hám studentler qatnastı.

Ashıq sáwbetlesiw tárizinde ótken ushırasıwda jaslardıń huqıqıy sawatlılıǵı hám mádeniyatın arttırıw, watanǵa muhabbat sezimlerin bekkemlew, sonday-aq, jaslar tálim-tárbiyasınıń áhmiyetli máseleleri boyınsha pikir almasıldı.