Ájiniyaz atındaǵı Nókis mámleketlik pedagogikalıq institutı Ellikqala fakulteti studentleri «Jasıl mákan» ulıwma milliy joybarı sheńberinde gezektegi ekologiyalıq baslamanı ámelge asırdı.

Rayonnıń «Iqbal» mákan puqaralar jıyını aymaǵında jaslar jetekshileri hám Ellikqala fakulteti studentleri menen birgelikte nál egiw jumısları shólkemlestirildi.

Ilaj dawamında 1000 túpten aslam nál egildi. Bul baslama aymaqtı kóklemzarlastırıw, ekologiyalıq ortalıqtı jaqsılaw hám jasıl aymaqlardı keńeytiwge xızmet etedi.

Studentler processte belsene qatnasıp, tek ǵana nál egiw jumısların ámelge asırıp qoymastan, tábiyatqa juwapkershilikli qatnas hám jámáát bolıp islew mádeniyatın da kórsetti.