Búgin, 1-aprel kúni Ózbekstan Respublikası Prezidenti Shavkat Mirziyoyev tárepinen respublikalıq kólemde «Jasıl mákan» ulıwma milliy joybarına start berildi.

Ilajǵa Qaraqalpaqstan Respublikası, Tashkent qalası hám wálayatlardan videobaylanıs arqalı elimiz abadanlıǵına, jasıl belbewlerdi payda etiwge úles qosıwdı niyet etken belsendiler, jaslar, nuranıylar hám hayal-qızlar, joqarı oqıw orınları, mákeme, shólkemlerdiń xızmetkerleri hám keń jámiyetshilik wákilleri qatnastı.

Paytaxtımız Nókis qalası átirapında Qaraqalpaqstan Respublikası Joqarǵı Keńesiniń Baslıǵı Amanbay Orınbaev basshılıǵında terek nállerin otırǵızıw jumısları alıp barıldı.

Bul ekologiyalıq ilajǵa Ájiniyaz atındaǵı Nókis mámleketlik pedagogikalıq institutı jámááti hám student-jaslarınan ibarat 200 den aslam belsendiler qatnasıp, jaqsı niyetler menen terek nállerin otırǵızdı.

Elimiz boylap «Jasıl mákan» ulıwma milliy joybarı sheńberindegi ilajlar dawam etpekte.

NMPI baspasóz xızmeti.