Paytaxtımız Nókis qalasındaǵı «Aqquw» kompleksinde jaslar arasında milliy qádiriyatlardı úgit-násiyatlaw, milliy kiyimler hám milliy moda baǵdarında jumıs alıp barıp atırǵan qábiletli jas dizaynerlerdi qollap-quwatlaw maqsetinde «Qaratereń gáwharı» xalıqaralıq etno-futuristlik modalar festivalı shólkemlestirildi.

Áhmiyetlisi, modalar festivalında Ájiniyaz atındaǵı Nókis mámleketlik pedagogikalıq institutı dizayneri Mehriban Aytniyazova óziniń «Xalıqlar doslıǵı» kollekciyası menen qatnasıp, tóreshiler quramı, qánigeler hám tamashagóyler tárepinen joqarı bahalandı.