Усы жылдың 13-16-февраль күнлери аралығында Россия Фередациясының пайтахты Москва қаласындағы Тишинская майданындағы Тишинка саўда орайында Халықаралық III «Восточный базар «Тюбетейка» мәденият фестивалы болып өтпекте.

Фестивальға Өзбекстан, Әзербайжан, Тәжикстан, Түркменстан, Қазақстан, Татарстан, Қырғызстан, Башқуртстан ҳәм Россияның басқа да аймақларынан ўәкиллер қатнаспақта.

Өзбекстан делегациясы қурамында институтымыздың педагогика факультети музыкалық тәлим бағдарының студенти Қәллибек Муҳаммеддинов та қатнаспақта.

Мағлыўмат ушын, Қәллибек Муҳаммеддинов усы жылдың 4-7-январь күнлери Қазақстан Республикасы Нур-Султан (Астана) қаласында өткерилген V Халықаралық көп жанрлы «Gloria» фестивалында қатнасып, эстрада бағдары бойынша 1-орынды ийелеген еди.