Jaqında Berdaq atındaǵı Qaraqalpaq mámleketlik universitetinde “Studentler shaxmat taxtası” sport jarısı ótkerildi.

Jarısqa joqarı oqıw orınlarında ótkerilgen sport jarısınan jeńimpaz bolǵan jámi 18 jas qatnastı.

Jarıs juwmaǵında qız balalar arasınan Ájiniyaz atındaǵı Nókis mámleketlik pedagogikalıq institutı studenti Qadamboeva Kamola sıylı 1-orındı, Qaraqalpaq mámleketlik universiteti studenti Jiemuratova Gúlayım 2-orındı, TashPMI Nókis filialı studenti Berdimuratova Rawshan 3-orındı iyeledi. Al, er balalar arasında TashPMI Nókis filialı studenti Erimbetov Jaxangir 1-orındı, Ájiniyaz atındaǵı Nókis mámleketlik pedagogikalıq institutı studenti Ukibaev Berik 2-orındı, Qaraqalpaq mámleketlik universiteti studenti Sautov Ruslan 3-orındı jeńimpazı dep tabıldı.

Jeńimpazlar Ózbekstan jaslar avwqamı Qaraqalpaqstan Respublikalıq Keńesi tárepinen arnawlı medal, diplom hám bahalı sawǵalar menen sıylıqlandı.

Baspasóz xızmeti