Институтта 2020-жыл даўамында илим, билимлендириў, мәденият, спорт ҳәм пандемия дәўиринде басқа да шөлкемлестириўшилик жумысларында белсендилик корсеткен студент-жаслардың мийнетлерин жоқары баҳалаў, сондай-ақ, досларына үлги етип көрсетиў мақсетинде физика-математика факультетинде ҳәр жылы өткерилиўи дәстүрге айланған жыл жуўмақларына арналған «Жыл студенти» илажы болып өтти.

Өткерилген кешени институттың жаслар менен ислесиў бойынша проректоры Қ.Қадиров ашып берди.

Ол өз сөзинде Физика-математика факультети студентлериниң институт ҳәм республикалық ареналарда жоқары нәтийжелерге ерисип атырғанлығы институт ушын үлкен мақтаныш екенлигин атап өтти.

Сондай-ақ, физика-математика факультети деканы Р.Жиемуратов шығып сөйлеп, 2020-жыл даўамында студентлер арасында өзиниң илим, билимлендириў, мәденият, спорт ҳәм жәмийетлик жумысларда белсендилиги менен айрықша көзге көринген ҳәм жетискенликлерге ерискен бир қатар студент-жасларды қутлықлады.

Cтудент-жаслар институтымыздың абырайы ушын үлкен үлес қосып атырғанлығын айрықша атап өтти.

Жыл даўамында белсендилик көрсеткен студентлер сыйлықланды.

Кешениң екинши бөлими физика-математика факультети студентлери тәрепинен таярланған байрам концерти менен даўам етти.

Концерт жүдә қызықлы ҳәм мазмунлы өтти.