Usı jıldıń 17-dekabr kúni Ájiniyaz atındaǵı Nókis mámleketlik pedagogikalıq institutı mádeniyat zalında fizikanı oqıtıw metodikası kafedrası professor-oqıtıwshıları hám student-jaslar menen birgelikte shólkemlestirgen “Kvant fizikası 120 jasta” atamasındaǵı bayram keshesi bolıp ótti.

Bul bayramdı hár jılı belgilew institutımızda dástúrge aylanǵan bolıp, onı ótkeriwdegi maqset – kvant fizikası haqqında ele de keńirek maǵlıwmatlar beriw, onıń házirgi kúnde turmıstaǵı áhmiyeti haqqında túsindiriw, sonıń menen birge, oqıw procesi, student-jaslar turmısı, jámiyettegi barlıq ózgeris hám jańalıqlar satiralıq kórinisler arqalı sınǵa alınsa, ayırım talantlı studentler óz ónerlerin bayram qatnasıwshılarına kórsetiwden ibarat.

Búgingi bayram keshesi de hár túrli astarlı mánige iye bolǵan kórinislerge, talantlı jaslar kórgizbelerine hám ilimiy bayanatlarǵa bay túrde ótti.

Bayram sonıńda sózge shıqqan professor-oqıtıwshılar A.Kamalov, B.Atashovlar shólkemlestiriwshilerge óz minnetdarshılıqların bildirip, usınday bayram keshelerin ótkeriw, studentlerdiń bos waqıtlarınan nátiyjeli paydalanıw, olardıń óz ara tájiriybe almasıwında áhmiyetli ekenligin aytıp ótti.

Bayram sońında shólkemlestiriwge belsene qatnasqanlar húrmet jarlıqları menen sıylıqlandı.

K.Nurımbetov,

Anıq hám tábiyiy pánlerdi oqıtıw metodikası

(fizika hám astronomiya) qánigeligi 1-basqısh magistrantı.