Бүгин, 20-февраль күни Әжинияз атындағы Нөкис мәмлекетлик педагогикалық институтында «Үзликсиз билимлендириў системасында аралықтан оқытыўдың интеграциясы» атамасында халықаралық илимий-теориялық конференция болып өтти.

Конференцияны институттың илимий ислер ҳәм инновациялар бойынша проректоры Полатбек Калханов алып барды.

Конференцияның ашылыў пленарлық мәжилисинде институттың аралықтан оқытыў кафедрасы баслығы Г.Кдырбаева «Аралықтан оқытыў тәлим түри – заман талабы», Россия Федерациясы Кубан мәмлекетлик университети әмелий лингвистика ҳәм жаңа мәлимлеме технологиялары кафедрасы баслығы, педагогика илимлериниң кандидаты М.Бодоньи «Оценка в высшем образовании: критерии и индикаторы качества», Ташкент информациялық технологиялар университети Нөкис филиалы профессоры, физика-математика илимлериниң докторы Н.Утеулиев «Программное обеспечение для моделирования и воссиановления внутренних структур объектов по интегральным данным на семействе специальных кривых», Гүлистан мәмлекетлик университети доценти, педагогика илимлериниң кандидаты Д.Абдурахимов «Масофавий таълим ва ундан фойдалана олиш муаммолари» атамасында баянатлар жасады.

Конференция секцияларда өз жумысын даўам етти.

НМПИ баспасөз хызмети.