Ózbekstan Respublikası Prezidentiniń 2020-jıl 27-fevraldaǵı «Pedagogikalıq bilimlendiriw tarawın bunnan bılay da rawajlandırıw ilajları haqqında»ǵı qararına muwapıq, ayrıqsha qábilet talap etiletuǵın pedagogikalıq bilimlendiriw tarawınıń bakalavriat tálim baǵdarlarına oqıwǵa qabıllaw ushın kásiplik (dóretiwshilik) imtixanlar menen birgelikte májbúriy úsh pánnen – ana tili (ózbek, rus yamasa qaraqalpaq tili), matematika hám Ózbekstan tariyxı pánleri boyınsha test sınaqların tapsırıw tártibi engizildi.

Bul bakalavriat tálim baǵdarları tómendegiler:

5111100 – Muzıkalıq tálim;

5110800 – Súwretlew óneri hám injenerlik grafikası;

5112000 – Dene mádeniyatı;

5112300 – Mektepke shekemgi hám baslawısh tálimde denetárbiya hám sport.

Bunda qaǵıyda tárizinde, májbúriy úsh pán boyınsha test sınaqları kásiplik (dóretiwshilik) imtixanlar nátiyjeleri járiyalanǵannan soń ótkeriledi. Abiturientler test ótkeriletuǵın waqıt haqqındaǵı maǵlıwmatlardı Mámleketlik test orayınıń my.dtm.uz saytındaǵı jeke kabinetinen júklep alınatuǵın «Abiturient ruxsatnaması» arqalı bilip alıwı múmkin.

Usı orında atap ótiw orınlı, Mámleketlik komissiyanıń 2-sanlı protokolına muwapıq, sport túrleri jáne paralimpiya sport túrleri boyınsha Aziya hám respublikalıq chempionatlarda sońǵı úsh jılda jeńimpaz hám sıylı orın iyesi bolǵan sportshı-oqıwshılarǵa 2021-2022-oqıw jılı qabıllawında tek ǵana «Sport xızmeti (xızmet túrleri boyınsha)» hám «Dene mádeniyatı» bakalavriat tálim baǵdarları boyınsha májbúriy úsh pánnen – ana tili (ózbek, rus, qaraqalpaq hám basqa tiller), matematika hám Ózbekstan tariyxı pánleri boyınsha test sınaqlarınan azat etken halda maksimal ball beriledi.

Islam Matekov.