Ájiniyaz atındaǵı Nókis mámleketlik pedagogikalıq institutında 2021-2022-oqıw jılı ushın qabıllawda bakalavriattıń súwretlew óneri hám injenerlik grafikası, muzıkalıq tálim, sonday-aq, dene mádeniyatı (sonıń ishinde, hayal-qızlar sportı) tálim baǵdarlarına ótkerilgen kásiplik (dóretiwshilik) imtixanları óz juwmaǵına jetti.

Kásiplik (dóretiwshilik) imtixanları usı jıldıń 31-iyul hám 6-avgust kúnleri aralıǵında sanitariyalıq-epidemiologiyalıq qaǵıydalarǵa ámel etken halda, hár kúni eki mezgilde ótkerildi.

Abiturientlerdiń qábileti hám tayarlıqların bahalaw maqsetinde Ferǵana, Namangan, Nawayı hám Xorezm wálayatlarındaǵı joqarı oqıw orınlarınan qánigeler, professor-oqıtıwshılar biriktirildi.

2021-2022-oqıw jılı ushın qabıllawda bakalavriattıń:
– súwretlew óneri hám injenerlik grafikası tálim baǵdarına ulıwma 297;
– muzıkalıq tálim baǵdarına ulıwma 226;
– dene mádeniyatı (sonıń ishinde, hayal-qızlar sportı) tálim baǵdarına ulıwma 1241 abiturient hújjet tapsırǵan bolıp, sonnan:

– súwretlew óneri hám injenerlik grafikası tálim baǵdarına ótkerilgen imtixanlarǵa 275 abiturient qatnasqan, 22 abiturient qatnaspaǵan;
– muzıkalıq tálim baǵdarına ótkerilgen imtixanlarǵa 211 abiturient qatnasqan, 15 abiturient qatnaspaǵan (sonnan 3 abiturient sebepli);
– dene mádeniyatı (sonıń ishinde, hayal-qızlar sportı) tálim baǵdarına ótkerilgen imtixanlarǵa 1074 abiturient qatnasqan, 167 abiturient qatnaspaǵan (sonnan 1 abiturient sebepli).

Imtixanlardı ádil hám ashıq-aydın ótkeriw maqsetinde hár bir abiturienttiń qatnasıwı videojazıwǵa alınıp, internet arqalı tikkeley baqlap barıw imkaniyatı jaratıldı.

Kásiplik (dóretiwshilik) imtixanlarınıń nátiyjeleri imtixan ótkerilgen kúnniń erteńine instituttıń rásmiy veb-saytı hám sociallıq tarmaqlardaǵı rásmiy kanalları arqalı járiyalanıp barıldı.

NMPI baspasóz xızmeti.