Aldın xabar bergenimizdey, Ózbekstan Respublikası Joqarı hám orta arnawlı bilimlendiriw ministriniń ekonomikalıq máseleler boyınsha orınbasarı Sarvarxon Buzrukxonov xızmet saparı menen Qaraqalpaqstan Respublikasına keldi.

Sapar sheńberinde, ministr orınbasarı Ájiniyaz atındaǵı Nókis mámleketlik pedagogikalıq institutı janındaǵı Tórtkúl kóp tarmaqlı texnikumına bardı.

140 oqıwshı bilim alıp atırǵan bul texnikumda gúz-qıs máwsimine tayarlıq, jaslar ushın jaratılǵan sharayatlardı kózden ótkergen S.Buzrukxonov texnikumnıń bas imaratın qaytadan shiferlaw, jılıtıw sistemasın jańalaw, materiallıq-texnikalıq bazasın jetilistiriw boyınsha institut rektorı B.Otemuratov penen sáwbetlesti hám tiyisli kórsetpeler berdi.

NMPI baspasóz xızmeti.