Xabarıńız bar, Ózbekstan Respublikası Prezidentiniń 2021-jıl 6-iyuldaǵı PQ-5172-sanlı qararına muwapıq, Ózbekstan Respublikası Prezidenti grantı engizilgen edi.

Usı qararǵa muwapıq, mámleketlik joqarı oqıw orınları bakalavriatınıń kúndizgi tálim baǵdarlarına kiriw imtixanları nátiyjelerine muwapıq, bilimlendiriw tarawları kesiminde, bilim alıw tiline qaramastan, respublika boyınsha eń joqarı ball toplaǵan abiturientlerdiń 200 i Prezident grantına tabalan bolatuǵını belgilendi.

Bunda:

– Prezident grantı ushın ajıratılǵan kvotanıń bilimlendiriw tarawları boyınsha bólistiriliwi hár jılı Ózbekstan Respublikası bilimlendiriw mákemelerine oqıwǵa qabıllaw boyınsha mámleketlik komissiyası tárepinen tastıyıqlanadı;

– belgili bir bilimlendiriw tarawı ushın ajıratılǵan Prezident grantı kvotası boyınsha sońǵı orındaǵı abiturient hám onıń menen birdey ball toplaǵan barlıq puqaralar Prezident grantına talaban boladı.

Mámleketlik komissiyanıń 7-sanlı protokolında 2021-2022-oqıw jılı ushın 25 bilimlendiriw tarawınıń hár birine 8 den kvota ajıratılǵan bolıp, ayırım tarawlarda segizinshi hám onnan keyingi orınlardaǵı abiturientlerdiń toplaǵan balları birdey bolǵanlıǵı ushın ulıwma 257 abiturient Prezident grantına talaban boldı.

Bilimlendiriw tarawları kesiminde Prezident grantına talabanlardıń sanı hám ótiw balları Mámleketlik test orayı tárepinen járiyalandı.

Islam Matekov,
Qaraqalpaqstan xabar agentligi.