Ózbekstan Respublikası Prezidentiniń qararı

Talantlı jaslardıń logikalıq bilimlerin arttırıw, olardı tańlap alıw hám intellektuallıq oyınlarǵa keńnen tartıw, bul oyınlardıń shólkemlestiriliwin mámleket tárepinen qollap-quwatlaw hám zárúr sharayatlar jaratıw, sonday-aq, xalıqtıń intellektuallıq potencialın kóteriw maqsetinde:

1. «Zakawat» intellektuallıq oyının xalıq arasında ǵalaba-aǵartıwshılıq háreketke aylandırıw hám basqa da intellektuallıq oyınlardı rawajlandırıw boyınsha ilajlar baǵdarlaması 1-qosımshaǵa muwapıq tasıyıqlansın.
2. «Zakawat» intellektuallıq oyını hám basqa da intellektuallıq oyınlardı (keyingi orınlarda ­ intellektuallıq oyınlar) sistemalı túrde rawajlandırıw maqsetindeJaslar isleri agentligi juwapkershiligine tómendegi qosımsha wazıypalar júklensin:
jaslardıń intellektual rawajlanıwǵa bolǵan umtılısların qollap-quwatlaw hám bul tarawdaǵı jumıslardı muwapıqlastırıp barıw;

jaslar arasında intellektuallıq oyınlar, oratorlıq jarısları, shet tillerinde diskussiya hám ushırasıwlar ótkeriw;

jaslar arasında intellektuallıq oyınlardı rawajlandırıw hám keńnen en jaydırıwǵa qaratılǵan joybarlarǵa grantlar ajıratıw;

intellektuallıq oyınlar hám olardaǵı talantlı qatnasıwshılar haqqındaǵı maǵlıwmatlardıń elektron platformaǵa kirgiziliwin támiyinlew hám intellektuallıq oyınlar nátiyjelerin ǵalaba xabar qurallarında jarıtıp barıw.

3. «Zakawat» intellektuallıq oyının xalıq arasında ǵalaba-aǵartıwshılıq háreketke aylandırıw hám basqa da intellektuallıq oyınlardı rawajlandırıw boyınsha respublika shólkemlestiriw komiteti(keyingi orınlarda ­ Shólkemlestiriw komiteti) dúzilsin hám onıń quramı 2-qosımshaǵa muwapıq tasıyıqlansın.
Intellektuallıq oyınlardı tek jaslar emes, al, xalıqtıń barlıq qatlamları arasında úgit-násiyatlaw, bul oyınlardı ǵalaba-aǵartıwshılıq háreketke aylandırıw boyınsha ilajlardı belgilew hám ámelge asırıwdı támiyinlew, sonday-aq, milliy intellektuallıq oyınlardı qáliplestiriw, olardı keńnen en jaydırıw boyınsha tiyisli ilajlardı ámelge asırıw Shólkemlestiriw komitetiniń tiykarǵı wazıypaları etip belgilensin.

Shólkemlestiriw komiteti májlislerinde qabıl etilgen qararlar ministrlik hám uyımlar, jergilikli atqarıw komiteti uyımları tárepinen orınlanıwı májbúriy bolǵan bayanlamalar menen rásmiylestiriletuǵını belgilensin.

4. Intellektuallıq oyınlar ulıwma orta bilim beriw mektepleri, Prezident bilimlendiriw mákemeleri, orta arnawlı hám professional bilimlendiriw mákemeleri hám joqarı bilimlendiriw mákemeleri, sonday-aq,ıqtıyarlı jámáátler arasında sistemalı túrde ótkerip barılatuǵını;
Shólkemlestiriw komitetiniń (A.Abduvaxitov) usınısına bola intellektuallıq oyınlardıń respublikalıq basqıshında jeńimpaz hám sıylı orın iyesi (1-3-orınlar) bolǵan ulıwma orta bilim beriw mektepleri, sonıń ishinde, Prezident bilimlendiriw mákemeleri oqıwshıları belgilengen tártipte ­ orta arnawlı hám professional bilimlendiriw mákemeleri hám joqarı bilimlendiriw mákemelerine, orta arnawlı hám professional bilimlendiriw mákemeleri oqıwshıları ­ joqarı bilimlendiriw mákemeleriniń tiyisli tálim baǵdarlarına, joqarı bilimlendiriw mákemeleri studentleri ­ tálimniń keyingi basqıshına bazalıq tólem kontraktı tiykarında imtixan sınaqlarısız qabıl etiletuǵını;

2022-2023-oqıw jılınan baslap intellektuallıq oyınlardıń respublikalıq basqıshında jeńimpaz bolǵan oqıwshı jaslar hám studentler ushın jıl dawamında hár ayda beriletuǵın «Zakawat» stipendiyası shólkemlestiriletuǵını hám bul stipendiya Mámleket byudjetinen Jaslar isleri agentligine ajıratılǵan qárejetler esabınan qarjılandırıladı;

bilimlendiriw mákemelerinde shólkemlestirilgen «Zakawat» intellektuallıq klublarınıń koordinatorı bolǵan professor-oqıtıwshılarǵa direktor fondı hám joqarı bilimlendiriw mákemeleriniń byudjetten tısqarı fondları esabınan bir aylıq miynetke haqı tólew fondınıń 50 procenti muǵdarında bir mártelik ústeme tólep beriletuǵını belgilep qoyılsın.

Shólkemlestiriw komiteti (A.Abduvaxitov) úsh ay múddette intellektuallıq oyınlardı shólkemlestiriw hám ótkeriw tártibin tastıyıqlasın.

Xalıq bilimlendiriwi ministrligi (B.Saidov), Prezident bilimlendiriw mákemeleri agentligi (X.Umarova), Joqarı hám orta arnawlı bilimlendiriw ministrligi (A.Toshkulov) úsh ay múddette intellektuallıq oyınlarda jeńimpaz bolǵan oqıwshı-jaslar hám studentler ushın «Zakawat stipendiyası»n beriw tártiplerin islep shıǵıp, tastıyıqlasın.

Jaslar isleri agentligi (A.Sadullaev) Xalıq bilimlendiriw ministrligi (B.Saidov), Joqarı hám orta arnawlı bilimlendiriw ministrligi (A.Toshkulov), Prezident bilimlendiriw mákemeleri agentligi (X.Umarova) menen birgelikte 2022-jıldan baslap, basqıshpa-basqısh ulıwma orta bilim beriw mektepleri, Prezident bilimlendiriw mákemeleri, orta arnawlı hám professional hám joqarı bilimlendiriw mákemelerinde «Zakawat» intellektuallıq klublarınıń jumısın jolǵa qoysın hám aymaqlardaǵı Jaslar oraylarında intellektuallıq oyınlar jámáátleri ushın óz aldına xanalardı shólkemlestirsin.

5. Mámleketimizde intellektuallıq oyınlardı bunnan bılay da rawajlandırıw maqsetinde Jaslar isleri agentligi arqalıMámleket byudjetinen «Zakawat» intellektuallıq klubı» mámleketlik emes kommerciyalıq emes shólkemine(keyingi orınlarda ­ «Zakawat» intellektuallıq klubı) 2022-jılda 50 milliard sum qarjı ajıratılatuǵını belgilensin. Onda, kelesi jıllarda qarjılar «Zakawat» intellektuallıq klubına tiykarlanǵan esap-sanaqlarǵa muwapıq ajıratıladı.
Tómendegiler belgilensin:

bul qarjılar intellektuallıq oyınlardı shólkemlestiriw, soraw jollaǵan teletamashagóylerdi materiallıq xoshametlew, ekspertler hám tóreshilerge miynet haqı tólew, «Zakawat» intellektuallıq klubı aǵzaları ushın ashıq dizimnen ótiw elektron platformasın jaratıw hám onı júrgiziw jáne jeńimpaz bolǵan komandalardıń aǵzaların usı qararda belgilengen tártipte xoshametlew, jas áwladtıń intellektuallıq potencialın arttırıwǵa qaratılǵan kompyuter hám mobil oyınlardı jaratqan programmistlerge grant hám subsidiyalar ajıratıw, sonday-aq, bul oyınlardı ótkeriwge baylanıslı basqa da ilajlardı qarjılandırıwǵa baǵdarlanadı;

«Zakawat» intellektuallıq klubı hár sherektiń juwmaǵı boyınsha ajıratılǵan qarjılardan maqsetli paydalanǵanlıq haqqında Qarjı ministrligi hám Jaslar isleri agentligine esabatlar kirgizip baradı.

Bunda, «Zakawat» intellektuallıq klubına usı bántke muwapıq ajıratılıp atırǵan qarjılar boyınsha qárejetler smetası Shólkemlestiriw komiteti(A.Abduvaxitov) tárepinen tasıyıqlanadı.

6. 2022-jıldan baslaphár jılıIntellektuallıq olimpiada shólkemlestirilip barılsın.
Tómendegiler belgilep qoyılsın:

Intellektuallıq olimpiada tálim baǵdarı, tarawı, qánigeligine qaramastan respublikadaǵı barlıq joqarı bilimlendiriw mákemeleriniń studentleri arasında ótkeriledi;

Intellektual olimpiada xalıqaralıq tájiriybeni inabatqa alıp, milliy qádiriyatlarımızǵa say keletuǵın intellektuallıq oyınlar boyınsha shólkemlestiriledi;

Intellektuallıq olimpiadanı shólkemlestiriwde mámleketlik emes kommerciyalıq emes shólkemler (Ózbekstan shaxmat federaciyası, Ózbekstan shashka federaciyası hám basqalar)diń imkaniyatı hám potencialınan keńnen paydalanıladı;

ulıwma komandalıq esapta birinshi, ekinshi hám úshinshi orındı qolǵa kirgizgen joqarı bilimlendiriw mákemesine Ózbekstan Respublikası Prezidenti sawǵası tapsırıladı;

Mámleketlik xızmetti rawajlandırıw agentligi Intellektuallıq olimpiada jeńimpazları menen sıylı orın iyelerin óz qánigeligi boyınsha kadrlar rezervine alıw ámeliyatın jolǵa qoyadı.

Ministrler Kabineti úsh ay múddette Intellektuallıq olimpiadanı shólkemlestiriw tártibin tasıyıqlawdı názerde tutatuǵın húkimet qararın qabıl etsin.

7. Jaslar isleri agentligi, Joqarı hám orta arnawlı bilimlendiriw ministrligi hám Innovaciyalıq rawajlanıw ministrliginiń2022-2023-oqıw jılınan baslap hár jılı aprel ayında«Intellektuallıq háptelik» ilajın sistemalı túrde ótkerip barıw haqqındaǵı baslaması qollap-quwatlansın.
«Intellektuallıq háptelik» joqarı bilimlendiriw mákemeleriniń studentleri arasında intellektuallıq salamat básekilikti júzege keltiriw, student-jaslardıń bilimge bolǵan umtılısların qollap-quwatlaw hám xoshametlew, respublikanıń túrli aymaqlarında bilim alıp atırǵan ziyrek jaslar ushın pikir alısıw imkaniyatın jaratıw, joqarı bilimlendiriw mákemelerinde intellektuallıq dógerekler jumısın rawajlandırıw hám jaslar arasında kitapqumarlıqtı úgit-násiyatlaw maqsetinde shólkemlestiriletuǵını;

«Intellektuallıq háptelik» dawamında intellektuallıq oyınlar, ilimiy konferenciyalar, ilim, ádebiyat tarawında ataqlı ilimpazlar qatnasında seminarlar, mádeniy-mánawiy ilajlar, túrli taraw jetekshileri (basshılar), iri kompaniya (jumıs beriwshiler) wákilleri qatnasıwında ushırasıwlar ótkeriletuǵını;

«Intellektuallıq háptelik»ti ótkeriwge baylanıslı qárejetler tiyisli joqarı bilimlendiriw mákemeleriniń byudjetten tısqarı qarjıları esabınan ámelge asırılatuǵını belgilep qoyılsın.

Jaslar isleri agentligi direktorı A.Sadullaev, joqarı hám orta arnawlı bilimlendiriw ministri A.Toshkulov «Intellektuallıq háptelik»ti tolıq hám nátiyjeli shólkemlestiriw boyınsha jeke juwapker etip belgilensin.

8. Jaslar isleri agentligi, Tashkent qalası hákimligi hám qurılıs ministrligi tárepinen «Zakawat» intellektuallıq klubı ushın óz aldına imarat hámIntellektuallıq oyınlar qalashasın(keyingi orınlarda ­ obekt) qurıw ushın «Jańa Ózbekstan» baǵına tutas aymaqtan 3 gektar jer maydanı tańlap alınǵanlıǵı maǵlıwmat ushın qabıl etilsin.
Awıl xojalıǵı ministrligi, Suw xojalıǵı ministrligi hám Tashkent qalası hákimliginiń:

Tashkent qalası, M.Uluǵbek rayonı, «Doslıq» MPJ aymaǵındaǵı «Jańa Ózbekstan» baǵına tutas aymaqtan 3 gektar jer maydanın (keyingi orınlarda ­ tańlanǵan jer uchastkası) awıl xojalıǵına mólsherlengen jerler kategoriyasınan elatlı punktlerdiń qala hám posyolka qurılısı jerleri kategoriyasına ótkeriw;

tańlanǵan jer uchastkasınıń awıl xojalıǵına mólsherlengen jerler kategoriyasınan shıǵarılıwı múnásibeti menen awıl xojalıǵı hám toǵay xojalıǵı óndirisi shıǵınlarınıń ornın qaplaw boyınsha kompensaciya tólemlerin tólewden azat etiw haqqındaǵı usınıslarına kelisim berilsin.

Tashkent qalası hákimligi (J.Artikxodjaev) eki ay múddette:

tańlanǵan jer uchastkasınıń ámeldegi jer iyeleri, paydalanıwshıları hám ijarashılarınan nızamda belgilengen tártipte mámleket hám jámiyet zárúrlikleri ushın alıp qoyılıwın hám mámleket múlki sıpatında mámleketlik dizimnen ótkeriliwin;

mámleketlik dizimnen ótkerilgen jer uchastkasınıń Jaslar isleri agentligine obektti qurıw maqsetinde mámleket hám jámiyet zárúrlikleri ushın turaqlı paydalanıw huqıqı menen ajıratılıwın;

Kadastr agentligi menen birgelikte mámleketlik jer kadastrı maǵlıwmatlarına tiyisli ózgerisler kirgiziliwin támiyinlesin.

9. a) obektte qurılıs-montajlaw jumısların ámelge asırıw sheńberinde:
Tashkent qalası hákimligi «Birden-bir buyırtpashı xızmeti» injiniring kompaniyası ­ buyırtpashı funkciyasın atqaratuǵını;

bas joybar hám bólip alıp islewshi shólkemler belgilengen tártipte ótkeriletuǵın tender (tańlaw) nátiyjelerine bola anıqlanatuǵını;

b) obektti qurıw hám úskenelew qárejetleri Joqarı hám orta arnawlı bilimlendiriw ministrliginiń Joqarı bilimlendiriw mákemelerin rawakjlandırıw fondı hám Tashkent qalası jergilikli byudjeti qarjıları esabınan ámelge asırılatuǵını;

v) obekt qurıp pitkerilip, paydalanıwǵa qabıl etilgeninen soń belgilengen tártipte Jaslar isleri agentligine operativ basqarıw huqıqı menen biypul beriletuǵını belgilep qoyılsın.

Joqarı hám orta arnawlı bilimlendiriw ministrligi (A.Toshkulov) Joqarı bilimlendiriw mákemelerin rawajlandırıw fondı qarjıları esabınan, Tashkent qalası hákimligi (J.Artikxodjaev) jergilikli byudjet qarjıları esabınan obekttiń joybarlaw-smeta hújjetlerin islep shıǵıw hám qurılıs jumısların ámelge asırıw ushın zárúr qarjılar ajıratılıwın támiyinlesin.

10. Jaslar isleri agentligi (A.Sadullaev):
bir ay múddette Málimleme texnologiyaları hám kommunikaciyaların rawajlandırıw ministrligi, Xalıq bilimlendiriw ministrligi, Joqarı hám orta arnawlı bilimlendiriw ministrligi, Prezident bilimlendiriw mákemeleri agentligi menen birgelikte «Zakawat» intellektuallıq klubı aǵzaları ushın ashıq dizimnen ótiw elektron platformasın jaratsın. Bunda, sonıń ishinde komandalar, olardıń reyting balları hám intellektuallıq oyınlardıń baǵdarları menen basqıshları haqqındaǵı maǵlıwmatlar kórsetiliwi názerde tutılsın;

úsh ay múddette intellektuallıq oyınlardıń jeńimpazları hám sıylı orın iyeleri ushın Tashkent wálayatı, Bostanlıq rayonındaǵı «Jaslar lageri»nde máwsimlik isleytuǵın «Intellektuallıq mektep» joybarın jolǵa qoysın.

11. Shólkemlestiriw komiteti (A.Abduvaxitov) Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri menen birgelikte 2022-jıldan baslap, hár jılı rayon (qala)lardan birin«Intellektuallıq aymaq» dep járiyalawhám ol jerde jaslardıń intellektuallıq potencialın rawajlandırıw, ideyaları menen baslamaların júzege shıǵarıw ushın zárúr sharayatlardı jaratıw ilajların kórsin.
12. Ózbekstan Milliy teleradiokompaniyası (A.Xadjaev) Qaraqalpaqstan Respublikası Ministrler Keńesi, wálayatlar hám Tashkent qalası hákimlikleri menen birgelikte«Yoshlar» telekanalıhám tiyisli aymaqlıq telekanallarda intellektuallıq oyınlardı keńnen jarıtıw hám úgit-násiyatlaw jumısların turaqlı shólkemlestirip barsın.
13. Usı qarardıń orınlanıwın nátiyjeli shólkemlestiriwge juwapker hám jeke juwapker etip Jaslar isleri agentligi direktorıA.Z.Sadullaev, joqarı hám orta arnawlı bilimlendiriw ministriA.X.Toshkulov hám Ózbekstan Respublikası Prezidenti keńesgóyiniń orınbasarı A.A.Djurabaev belgilensin.
Qarardıń orınlanıwın qadaǵalaw, juwapker ministrlikler hám uyımlardıń jumısın muwapıqlastırıw Ózbekstan Respublikası Bas ministri A.N.Aripovqa hám Ózbekstan Respublikasi Prezidenti Administraciyasınıń basshısı Z.Sh.Nizomiddinovqa júklensin.

Ámelge asırılıp atırǵan ilajlardıń nátiyjeliligi boyınsha 2022-jıl 1-avgust hám 2023-jıl 1-yanvarǵa shekem Ózbekstan Respublikası Prezidentine málimleme berilsin.

Ózbekstan Respublikası

Prezidenti Sh.MIRZIYOYEV

Tashkent qalası,

2022-jıl, 20-yanvar