Ájiniyaz atındaǵı Nókis mámleketlik pedagogikalıq institutı Mektepke shekemgi tálim fakulteti Mektepke shekemgi tálim kafedrası, Qaraqalpaqstan Respublikası Mektepke shekemgi bilimlendiriw ministrligi xızmetkerleri hám respublikamızdaǵı barlıq mektepke shekemgi bilimlendiriw shólkemleriniń xızmetkerleri qatnasıwında «ZOOM» platforması arqalı «Mektepke shekemgi bilimlendiriw shólkemlerinde «Dáslepki qádem» mámleketlik oqıw baǵdarlaması tiykarında shólkemlestirilgen rawajlandırıwshı oraylar jumıslarınıń mazmunı» temasında onlayn seminar-trening ótkerildi.

Seminar-treningdi ótkeriwden maqset qatnasıwshılarǵa sońǵı jılları Prezidentimizdiń mektepke shekemgi bilimlendiriw tarawına bolǵan dıqqat-itibarı hám mektepke shekemgi bilimlendiriw haqqında qabıl etilgen Prezident qararları, pármanları jáne mektepke shekemgi bilimlendiriw shólkemleriniń tárbiyashılarına «Mektepke shekemgi bilimlendiriw shólkemlerinde «Dáslepki qádem» mámleketlik oqıw baǵdarlaması tiykarında shólkemlestirilgen rawajlandırıwshı oraylar jumıslarınıń mazmunı» temasında prezentaciyalar menen túsinikler berildi.

Ótkerilgen seminar-trening birneshe etaplar tiykarında alıp barıldı, pedagogikalıq texnologiyalardan paydalanıldı hám hár túrli oyınlar shólkemlestirildi.