Ata-analar hám abiturientler tárepinen mámleketlik emes hám jeke menshik joqarı oqıw orınları, olardıń diplomları Ózbekstanda tán alınıwı yamasa kerisinshe ekenligi haqqında kóplegen sorawlar kelip túsedi. Sońǵı jıllarda Ózbekstanda mámleketlik emes hám jeke menshik joqarı oqıw orınlarınıń sanı birqansha kóbeyip, házirgi waqıtta 34 ke jetti, – dep jazdı Ózbekstan jaslar isleri agentliginiń direktorı A.Sadullaev.

Málim bolıwınsha, wákillikli mámleketlik uyım esaplanǵan Bilimlendiriw sapasın qadaǵalaw inspekciyası tárepinen licenziya alǵan mámleketlik emes hám jeke menshik joqarı oqıw orınlarınıń dizimi járiyalanǵan bolıp, házirgi waqıtta usı dizimdegi joqarı oqıw orınlarınıń diplomı Ózbekstanda tán alınadı.

Usı kategoriyadaǵı JOOlar dizimi keltirilgen fayldı júklep alıw ushın kórsetilgen siltemege basıń: SILTEME

Ata-analar hám abiturientler mámleketlik emes yamasa jeke menshik joqarı oqıw ornın saylamaqshı bolsa yaki bolmasa qanday da bir joqarı oqıw ornınıń daǵazasına dus kelse, usı faylda kórsetilgen dizimnen tekserip kóriwi kerekligi usınıs etilgen.

Islam Matekov,
Qaraqalpaqstan xabar agentligi.