XABAR XATÍ
ÓZBEKSTAN RESPUBLIKASÍ JOQARÍ HÁM ORTA ARNAWLÍ BILIMLENDIRIW MINISTRLIGI
ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ
Ózbekstan Respublikası Ministrler Kabinetiniń 2022-jıl 7-marttaǵı 101-F-sanlı Pármanı tiykarında Ájiniyaz atındaǵı Nókis mámleketlik pedagogikalıq institutında 2022-jıl 15-aprel kúni saat 10:00 de «Tálim sapasın asırıwda sanlı texnologiyalardı qollaw hám olardı kommerciyalastırıw máseleleri» temasındaǵı onlayn xalıqaralıq kólemde ilimiy-teoriyalıq konferenciya shólkemlestiriw rejelestirilgen. Xalıqaralıq ilimiy-teoriyalıq konferenciya «ZOOM» platforması arqalı ámelge asırıladı hám tómendegi sekciyalar boyınsha jumıs alıp barıladı.
1-sekciya. Baslawısh tálimde aldınǵı qatar pedagogikalıq tájiriybelerdi en jaydırıw xalıqaralıq bahalaw nátiyjelerine erisiwdiń faktorı sıpatında.
2-sekciya. Tálim procesine sanlı texnologiyalardı engiziw hám de tálim, pán, innovaciya hám ilimiy-izertlewler nátiyjelerin kommerciyalastırıw iskerligin jolǵa qoyıw máseleleri.
Konferenciya materialların tayarlaw ushın talaplar:
Tezis 3-5 betke shekemgi kólemde elektron variantı usınıs etiledi.
Tekst ózbek, qaraqalpaq, qazaq, túrkmen, rus hám basqa tillerde Microsoft Wordtan paydalanǵan halda Times New Roman shriftında, 14 pt ólshem, 1,5 interval aralıǵında, tómennen hám joqarıdan 2,0 sm, shepten 3,0 sm, ońnan 1,5 sm qaldırılǵan halda jazıladı. Barlıq snoskalar tik skobka ishinde kórsetiledi: [1.15].
Bayan etilgen maǵlıwmatlardıń ilimiy-teoriyalıq hám metodologiyalıq jaqtan tiykarlanǵanlıǵı, jol qoyılǵan grammatikalıq, stilistikalıq hám punktuacion qátelerge avtor juwapker.
Tezis ústinde ortadan qalıń úlken háripler menen tezistiń atı, keyingi qatarda kishkene háripler menen ortadan avtordıń F.I.Sh. ilimiy dárejesi hám lawazımı, keyingi qatarda jumıs ornı, qalası hám elektron pochtası kórsetiledi.
Konferenciyada hár bir avtor tek ǵana úsh teziske shekem qatnasa alıwı múmkin. Talapqa juwap bermeytuǵın tezisler konferenciya baǵdarlamasına hám toplamǵa kirgizilmeytuǵınlıǵın hám avtorlarǵa qaytarılmaytuǵınlıǵın bildiremiz.
Konferenciyada qatnasıw ushın 15000 swm (hár bir bet ushın) tólew názerde tutıladı.
Konferenciya materialları 2022-jıl 10-aprelge shekem qabıllanadı.
Adres: 230105. Qaraqalpaqstan Respublikası Nókis qalası, P.Seytov kóshesi nomersiz jay.
Baslawısh tálim kafedrası
Konferenciya materialların qabıllaw ushın juwapkerler:
Baynazarov Timur (+99897)353-31-71, Pirniyazova Sholpan (+99891) 305-78-37.
E.mail: boshlangich20152015@mail.ru, telegram: 97 353 31 71, 91 305 78 37.
Úlgi
|
KONFERENCIYA QATNASÍWShÍSÍNIŃ ANKETASÍ
|
F.I.Sh.: |
|
|
Sekciya: |
|
|
Tezistiń atı: |
|
|
Jumıs ornı hám mánzili: |
|
|
Lawazımı: |
|
|
Ilimiy dárejesi: |
|
|
Jumıs ornı, telefonı hám mobil telefonı: |
|
|
e-mail: |
|