Ózbekstan Respublikası Prezidenti Administraciyası baslıǵı tapsırmasınıń orınlanıwın támiyinlew hám joqarı oqıw orınlarınıń studentler turaq jaylarında sociallıq-ruwxıy ortalıq, jaratılǵan sharayatlar, studentlerdiń sabaqlardan bos waqıtların mazmunlı shólkemlestiriw hám olarǵa zárúr bolǵan qosımsha sharayatlardı jaratıw maqsetinde Joqarı hám orta arnawlı bilimlendiriw ministrligi tárepinen dúzilgen jumısshı topar aǵzaları Ájiniyaz atındaǵı Nókis mámleketlik pedagogikalıq institutınıń studentler turaq jayında úyreniw jumısların alıp bardı.

Úyreniw jumısları dawamında studentler hám olardıń ata-anaları menen sorawnamalar ótkerilip, bul baǵdardaǵı alıp barılıp atırǵan jumıslar talqılandı.

Jumısshı topar aǵzaları 600 orınlıq studentler turaq jayındaǵı jaratılǵan sharayatlar, jumıs alıp barıp atırǵan dógerekler, bes baslama tiykarında studentlerdiń bos waqıtların mazmunlı ótkeriwge baǵdarlanǵan jumıslarǵa joqarı baha berdi.