Ájiniyaz atındaǵı Nókis mámleketlik pedagogikalıq institutında Ózbekstan oqıtıwshılarınıń inglis tilin arnawlı maqsetlerde úyreniw ushın dúzilgen tarmaqlıq toparı (UzTESPING) Qaraqalpaqstan filialınıń ashılıw keshesi hám ámeliy metodikalıq seminarı bolıp ótti.

Seminarǵa onlayn formatta qatnasıw imkaniyatı jaratılıp, oǵan institut rektorı B.Otemuratov, shet tilleri fakulteti dekanı I.Dilmanov, fakultetler aralıq shet tilleri kafedrasınıń baslıǵı N.Babaniyazova hám xalıqaralıq birge islesiw bólimi baslıǵı A.Bimbetov, sonday-aq, Úrgenish mámleketlik universiteti inglis tili páni oqıtıwshısı Estela Eaton, Warwick Universiteti korrdinatorı K.Tangirova, Gubkin atındaǵı Rossiya neft hám gaz universiteti Tashkent filialı shet tilleri kafedrasınıń baslıǵı D.Qadirbekova, AQSh Departamenti inglis tili qánigesi Doktor Karl Anna Djorj hám Shet tillerin úyreniwdi ǵalabalastırıw agentligi Qaraqalpaqstan Respublikası aymaqlıq bólimi baslıǵı G.Mádiyarova, Qaraqalpaqstan UzTESPING filialı koordinatorı A.Borasheva hám joqarı oqıw orınlarınıń oqıtıwshıları qatnastı.

Ilajda bul topardıń maqseti hám wazıypası Qaraqalpaqstanda inglis tilin qánigelik bolmaǵan baǵdarlarda rawajlandırıw hám kadrlar tayarlawdan ibarat ekenligi atap ótildi.