Ministrler Kabinetiniń 2019-jıl 24-iyuldaǵı 620-sanlı qararı tiykarında tastıyıqlanǵan Sırt mámleketlerde bilim alǵanı haqqındaǵı hújjetlerdi tán alıw tártibi haqqındaǵı rejege muwapıq sırt ellerde bilim alǵanı haqqındaǵı hújjetler tómendegi jaǵdaylarda tán alınbaydı:

– sırt mámlekette bilim alǵanı haqqındaǵı hújjet berilgen mámlekette onıń iyesine Ózbekstan Respublikasındaǵıǵa salıstırǵanda bilim alıw hám (yamasa) kásiplik xızmet penen shuǵıllanıw ushın kem huqıqlar berilgen bolsa (hújjet iyesi bilimlendiriwdiń keyingi basqıshında oqıwın dawam ettiriw, kásiplik xızmet penen shuǵıllanıw huqıqına iye bolmasa);

– joqarı maǵlıwmat Ózbekstan Respublikası nızamshılıǵında názerde tutılmaǵan tálim túrlerinde alınǵan bolsa;

Joqarı bilimlendiriw basqıshlarında:

– bakalavriat boyınsha oqıw múddeti úsh jıldan kem bolsa yamasa Evropa bilimlendiriw sisteması tiykarında oqıw dawamında 240 tan kem kredit toplaǵan bolsa;

– magistratura boyınsha oqıw múddeti bir jıldan kem bolsa;

– bakalavriat tálim baǵdarları hám magistratura qánigelikleri qosıp oqıtılatuǵın bilimlendiriw baǵdarlamaları boyınsha bilim alǵanda ulıwmalıq oqıw dáwiri úsh jıldan kem bolsa.

Islam Matekov,
Qaraqalpaqstan xabar agentligi.