Ózbekstan Kórkem óner akademiyası Qaraqalpaqstan bólimi kórgizbeler sarayında «Súwretlew hám ámeliy kórkem óner festivalı»nıń juwmaqlarına arnalǵan keshe bolıp ótti.

Keshege Ózbekstan Kórkem óner akademiyası hám onıń Qaraqalpaqstan bólimi aǵzaları, professor-oqıtıwshılar, magistrantlar hám student-jaslar qatnastı.

Keshede festival sheńberinde ámelge asırılǵan ilajlardıń shólkemlestiriwshileri bolǵan fakultet dekanı J.Darmenov, súwretlew óneri hám injenerlik grafikası kafedrasınıń baslıǵı Ǵ.Mambetkadirov, aǵa oqıtıwshı T.Bekmuratov, assistent-oqıtıwshı P.Joldasov, sonday-aq, ózleriniń dóretiwshilik jumısları menen belsendi qatnasqan magistrantlar S.Salimov, S.Davletov, studentlerden A.Xalmurzaeva, G.Sarsenova, A.Ametov, N.Qalbaev arnawlı sertifikat, diplom hám estelik sawǵaları menen sıylıqlandı.

Itibarlısı, instituttıń súwretlew óneri hám ámeliy óner qánigeliginiń 1-kurs magistrantı Sadıq Esebaev Ózbekstan Respublikası Kórkem óner akademiyasınıń altın medalı menen sıylıqlandı.