Búgin, 6-may kúni Ájiniyaz atındaǵı Nókis mámleketlik pedagogikalıq institutınıń sport sarayında 9-may – Eslew hám qádirlew kúni múnásibeti menen marhum pedagog-oqıtıwshılardıń esteligine arnap sporttıń milliy gúres túri boyınsha ashıq turnir ótkerilmekte.

Turnirge instituttıń barlıq fakultetlerinen, sonday-aq, Qaraqalpaqstan awıl xojalıǵı hám agrotexnologiyalar institutı, Samarqand mámleketlik veterinariya medicinası, sharwashılıq hám biotexnologiyalar universiteti Nókis filialı, Ózbekstan mámleketlik kórkem óner hám mádeniyat institutı Nókis filialınan sportshı jaslar qatnaspaqta.

Erler arasında 60, 66, 73, 81 hám +81 kg, al hayal-qızlar arasında 52, 63 hám +63 kg salmaq kategoriyasında ótkerilip atırǵan ashıq turnir qızǵın bellesiwler menen dawam etpekte.

Turnir juwmaqları haqqında qosımsha maǵlıwmat beriledi.

NMPI baspasóz xızmeti.