Xabarıńız bar, Ózbekstan Respublikası Ministrler Kabinetiniń 2022-jıl 19-yanvardaǵı «Shet tillerin úyreniwdi jetilistiriw boyınsha qosımsha ilajlar haqqında»ǵı 34-sanlı qararına muwapıq, Ózbekstandaǵı 6 joqarı oqıw ornına kiriwde shet tilinen kásiplik (dóretiwshilik) imtixan ótkeriliwi belgilengen.

Qararǵa muwapıq, 2022-2023-oqıw jılı qabıllawınan baslap shet tilleri boyınsha kadrlar tayarlawǵa qánigelestirilgen:

– Ózbekstan mámleketlik jáhán tilleri universiteti;
– Samarqand mámleketlik shet tilleri institutı;
– Tashkent mámleketlik shıǵıstanıw universitetiniń

pánler kompleksine shet tili birinshi pán sıpatında kirgizilgen bakalavriat tálim baǵdarlarına, sonday-aq:

– Tashkent mámleketlik pedagogikalıq universiteti;
– Qoqand mámleketlik pedagogikalıq institutı;
– Nókis mámleketlik pedagogikalıq institutınıń

shet tilleri boyınsha pedagoglardı tayarlaytuǵın bakalavriat tálim baǵdarlarına kiriw imtixanlarında shet tili páninen tıńlap túsiniw, oqıw, jazıw hám sóylew kompetenciyaların anıqlaw jáne bahalawǵa baǵdarlanǵan kásiplik (dóretiwshilik) imtixan ótkeriledi.

Imtixan 2 saat 45 minut dawam etedi hám tómendegi bólimlerden ibarat boladı:

1-bólim: Tıńlap túsiniw (45 minut/5 bólim/30 soraw)
2-bólim: Oqıw (60 minut/5 bólim/30 soraw)
3-bólim: Jazıw (45 minut/2 tapsırma/30 ball)
4-bólim: Sóylew (15 minut/3 bólim/30 ball).

Shet tili páninen kásiplik (dóretiwshilik) imtixan Mámleketlik test orayı tárepinen ámelge asırıladı.

Mámleketlik test orayınıń rásmiy veb-saytına kásiplik (dóretiwshilik) imtixan formatı (barlıq tiller ushın) hám test úlgileri (inglis tilinen) ornalastırılǵan bolıp, olar menen tómendegi siltemeler arqalı tanısıwıńız múmkin:

👉 https://dtm.uz/page/format_kasbiy
👉 https://dtm.uz/page/test_namunalari_kasbiy

NMPI baspasóz xızmeti.