Búgin, 17-iyun kúni Ájiniyaz atındaǵı Nókis mámleketlik pedagogikalıq institutında barlıq fakultetler dekanlarınıń orınbasarları, tiyisli bólim basshıları hám tyutorlar qatnasıwında siyasiy (aǵartıwshılıq) oqıw saatı bolıp ótti.

Oqıw saatında sońǵı waqıtlarda elimizdiń siyasiy, social-ekonomikalıq hám jámiyetlik turmısında júz berip atırǵan waqıyalar, alıp barılıp atırǵan reformalardıń nátiyjeleri, ásirese, elimizde dawam etip atırǵan Konstituciyalıq reformalardı ámelge asırıw boyınsha islenip atırǵan jumıslar, olardıń mazmunı hám áhmiyetine baǵıshlanǵan video formatındaǵı materiallar jıynalǵanlar itibarına usınıldı.

Ilaj dawamında instituttıń jaslar máseleleri hám ruwxıy-aǵartıwshılıq isleri boyınsha birinshi prorektorı Q.Qodirov sózge shıǵıp, fakultetlerde málimleme hám ruwxıylıq saatlarınıń qalay shólkemlestirilip atırǵanı, olarda nelerge áhmiyet qaratıw kerekligi, jaslarǵa elimizdegi sońǵı ózgerisler, jańalanıwlar haqqında óz waqtında tásirli hám dóretiwshilik formatta maǵlıwmatlar berip barıwdıń áhmiyeti haqqında dekan orınbasarları, sonday-aq, tyutorlar menen sáwbetlesti. Bul baǵdarda ámelge asırılatuǵın jumıslar boyınsha tiyisli tapsırmalar berildi.

NMPI baspasóz xızmeti.