Ózbekstan Respublikası Ministrler Kabinetiniń arnawlı biyligi tiykarında Ájiniyaz atındaǵı Nókis mámleketlik pedagogikalıq institutınıń jańadan qurılıp atırǵan 2000 orınlıq tiykarǵı oqıw imaratında qurılıs-rekonstrukciya jumısları dawam ettirilmekte.

Bas bólip alıp islewshi «E.Jumamuratov» jeke kárxanasınıń sheber qurılısshıları tárepinen jumıslar jedel pátlerde, sapalı túrde orınlanbaqta.

Qurılısshı qánigeler, ustalar ushın usı jerdiń ózinde barlıq sharayatlar jaratılǵan.

Sonday-aq, usı biylikke muwapıq, instituttıń 5-sanlı oqıw imaratında da kapital ońlaw jumısları alıp barılmaqta.

Bul jerde «Abdul Karim qurılıs» juwapkershiligi sheklengen jámiyetiniń qolı gúl qurılısshı ustaları tárepinen belgilengen rekonstrukciya jumısları ámelge asırılmaqta.

Tómende siz usı processlerden túsirilgen fotokórinislerdi tamashalawıńız múmkin.

NMPI baspasóz xızmeti.