Usı jıldıń 20-iyul kúninen baslap respublikamızdaǵı mámleketlik joqarı oqıw orınlarına ekinshi hám onnan keyingi joqarı maǵlıwmat boyınsha oqıtıwǵa talabanlardan arzalar Joqarı hám orta arnawlı bilimlendiriw ministrliginiń ikkinchitalim.edu.uz platforması arqalı onlayn tárizde qabıllanıp baslaǵan edi.

Búgin, 10-avgust kúni usı process juwmaqlanadı, yaǵnıy, búgin ekinshi qánigelikke hújjet tapsırıwdıń sońǵı kúni bolıp esaplanadı.

Talabanlar kórsetilgen platforma arqalı:
– óziniń pasport maǵlıwmatları, fizikalıq táreptiń jeke identifikaciyalıq nomeri haqqındaǵı maǵlıwmatlardı kirgizedi;
– diplom hám onıń qosımshasınıń elektron nusqasın júkleydi;
– sonday-aq, oqıwdı maqset etken joqarı oqıw ornı hám tálim baǵdarın saylaydı.

Bul processte sırt ellerdiń oqıw orınlarınıń 1992-jıl 1-yanvardan keyin berilgen diplomları belgilengen tártipte nostrifikaciyadan ótkerilgen bolıwı kerek.

Maǵlıwmat ornında atap ótiw kerek, ekinshi hám onnan keyingi joqarı maǵlıwmat boyınsha oqıtıw tólemli kontrakt tiykarında ámelge asırıladı.

NMPI baspasóz xızmeti.