Ózbekstan Respublikası Prezidenti janındaǵı Aralboyı xalıqaralıq innovaciyalıq orayı, UNICEF shólkemi menen birgelikte «ImkonLab» sociallıq innovaciyalar hám isbilermenlikti qollap-quwatlaw boyınsha qospa joybarın Qaraqalpaqstanda ámelge asırıwdı basladı.

Bul joybardıń tiykarǵı maqseti Bozataw, Moynaq hám Qońırat rayonlarında jasawshı jaslar hám jas óspirimler tárepinen belgilengen sociallıq mashqalalarǵa innovaciyalıq sheshim tabıw, isbilermenlik kónlikpeleri hám potencialın arttırıw, jámiyettegi jaǵdaydı jaqsılaw hám olar óz innovaciyalıq ideyaların hám joybarların ámelge asırıwı hám óz aymaǵına engiziw ushın grant ajıratıwdan ibarat.

Usı joybarǵa muwapıq, Ájiniyaz atındaǵı Nókis mámleketlik pedagogikalıq institutı Ziyrek studentlerdiń ilimiy-izertlew jumısların shólkemlestiriw bólimi baslıǵı Z.Qudaybergenova hám «ImkonLab» joybarı mentorları NMPI Baslawısh tálim, Túrkiy tiller, Dene mádeniyatı, Tariyx, Tábiyǵıy pánler hám Shet tilleri fakultetlerinde studentlerge túsindiriw jumısların alıp bardı.

Joybarda qatnasıw hám grantlardı jeńip alıw ushın talabanlar 15-sentyabr (sol kúni de) sánesine shekem Telegram tarmaǵınan https://t.me/imkonlab2022_mqb siltemasi arqalı aǵza bolıwı hám dizimnen ótiwi yamasa 97-500-44-38, 93-611-00-00 telefon nomerlerinen maǵlıwmat alıwı múmkin.

Fakultetler boylap úgit-násiyat jumısları dawam etpekte.