Aldın xabar bergenimizdey, Ájiniyaz atındaǵı Nókis mámleketlik pedagogikalıq institutında oqıp atırǵan student-jaslardıń bos waqıtların mazmunlı ótkeriw, joqarı mánawiyatlı, erkin pikirleytuǵın jaslardı tárbiyalaw, olardıń intellektual oylaw qábiletin jetilistiriw hám qollap-quwatlaw maqsetinde fakultetler arasında «Rektor kubogi» ushın «Zakovat» intellektual turniri shólkemlestirildi.

Turnir ustavına muwapıq, ótkerilgen dáslepki tur oyınına bakalavriattıń kúndizgi tálim baǵdarlarında, sonday-aq, magistratura qánigeliklerinde oqıp atırǵan student-jaslardan ibarat hár bir fakultetten eki komandadan qatnastı.

Oyında ulıwma 20 soraw oynalıp, sorawlar instituttıń «Zıyalı jaslar» intellektual klubı aǵzaları tárepinen dúzildi.

Solay etip, birinshi tur nátiyjelerine muwapıq komandalar tárepinen toplanǵan ballar tómendegishe boldı.

Esletip ótemiz, turnir 2022-jıldıń oktyabr, noyabr hám dekabr ayları dawamında ótkeriletuǵın ulıwma 5 turdan ibarat boladı. Hár bir tur eki hápteden bir márte, hápteniń juma kúni instituttıń úlken májilisler zalında ótkeriledi.

Turnirdiń final oyını 2022-jıl 23-dekabr kúni saltanatlı tárizde ótkeriledi.

Turnirde eń joqarı ball toplaǵan 3 komanda sáykes túrde 1-, 2- hám 3-orınlardı iyelegen dep esaplanadı. Ballar teń bolıp qalǵan jaǵdayda qosımsha sorawlar oynaladı hám sol arqalı jeńimpazlar jáne sıylı orın iyeleri anıqlanadı.

Turnir juwmaǵında jeńimpaz (1-orındı iyelegen) komandanıń hár bir aǵzasına bazalıq stipendiya muǵdarınıń 2 esesi, 2- hám 3-orınlardı iyelegen komandalardıń hár bir aǵzasına bazalıq stipendiya muǵdarınıń 1 esesi muǵdarında qarjılay sıylıqlar beriledi.

NMPI baspasóz xızmeti.