Xabarıńız bar, Ózbekstan Respublikası Prezidentiniń «Mámleketlik joqarı bilimlendiriw mákemelerine oqıwǵa qabıllaw processlerin shólkemlestiriw haqqında»ǵı qararına muwapıq, 2022-2023-oqıw jılınan baslap mámleketlik joqarı oqıw orınlarında magistraturaǵa qabıllaw bir jılda eki márte – avgust hám yanvar aylarında shólkemlestiriledi.

Avgust ayındaǵı qabıllaw – gezektegi oqıw jılı ushın tastıyıqlanǵan mámleketlik grant hám tólemli kontrakt tiykarındaǵı kvotalar ushın ótkerilse, yanvar ayındaǵı qabıllaw – jazda tolmay qalǵan orınlar hám Mámleketlik qabıllaw komissiyası tárepinen tastıyıqlanǵan kontrakt tiykarındaǵı qosımsha kvotalar ushın bolıp ótedi.

Ájiniyaz atındaǵı Nókis mámleketlik pedagogikalıq institutı Qabıllaw komissiyası jazǵı qabıllawda tolmay qalǵan tómendegi qánigelikler ushın yanvar ayında qabıllaw ótkeriletuǵınlıǵın málim etedi:

70110601 – Anıq hám tábiyǵıy pánlerdi oqıtıw metodikası (matematika)
70110701 – Anıq hám tábiyǵıy pánlerdi oqıtıw metodikası (fizika hám astronomiya)
70110801 – Anıq hám tábiyǵıy pánlerdi oqıtıw metodikası (ximiya)
70110901 – Anıq hám tábiyǵıy pánlerdi oqıtıw metodikası (biologiya)
70111001 – Anıq hám tábiyǵıy pánlerdi oqıtıw metodikası (geografiya)
70112101 – Social-gumanitar pánlerdi oqıtıw metodikası (ruwxıylıq tiykarları)
70111101 – Social-gumanitar pánlerdi oqıtıw metodikası (tariyx)
70111801 – Súwretlew óneri hám ámeliy bezew óneri
70111301 – Muzıkalıq tálim hám kórkem óner
70112201 – Denetárbiyası hám sport shınıǵıwları teoriyası hám metodikası
70110602 – Tálimde informaciyalıq texnologiyalar
70111501 – Ana tili hám ádebiyatı: qaraqalpaq tili
70111501 – Ana tili hám ádebiyatı: rus tili
70111501 – Ana tili hám ádebiyatı: qazaq tili
70111401 – Ózbek tili hám ádebiyatı
70112301 – Tálim-tárbiya teoriyası hám metodikası (texnologiyalıq tálim)
70110201 – Tálim-tárbiya teoriyası hám metodikası (mektepke shekemgi tálim)
70110501 – Tálim-tárbiya teoriyası hám metodikası (baslawısh tálim)
70110103 – Bilimlendiriw mákemeleriniń basqarıwı
70110102 – Pedagogika hám psixologiya
70110101 – Pedagogika teoriyası hám tariyxı (xızmet túrleri boyınsha)

«Mámleketlik joqarı bilimlendiriw mákemelerine oqıwǵa qabıllaw processlerin shólkemlestiriw haqqında»ǵı qararǵa muwapıq, magistraturaǵa qabıllaw abiturienttiń bakalavriat diplom balınıń ortasha kórsetkishi hám shet tilin biliw dárejesi boyınsha tiyisli milliy yamasa xalıqaralıq sertifikat tiykarında ámelge asırıladı, qánigelik páninen imtixan ótkerilmeydi.

Maǵlıwmat ornında atap ótiw kerek, magistratura qánigelikleri hám joqarı bilimlendiriwden keyingi bilimlendiriw qánigeliklerine tańlawlarda milliy yamasa oǵan sáykes dárejedegi xalıqaralıq sertifikatqa iye adamlar qatnasıwı múmkin boladı.

Hújjet tapsırıwda talap etiletuǵın shet tillerin biliw dárejesin bahalaytuǵın milliy hám xalıqaralıq tán alınǵan sertifikatlar dizimi tómendegilerden ibarat.

2022-2023-oqıw jılı ushın mámleketlik joqarı oqıw orınlarınıń magistratura qánigeliklerine hújjetler ministrliktiń rásmiy http://magistr.edu.uz veb-saytı arqalı qabıl etiledi.

Qabıllaw procesi menen baylanıslı qosımsha maǵlıwmatlardı saytımız arqalı járiyalap baramız.

NMPI baspasóz xızmeti.